එළවළු, බඩ ඉරිඟු සහ ධාන්ය වැනි වගාවන්වල අවශ්යතාව මත කෘෂි රසායන පෞද්ගලික අංශය හරහා ආනයනය කිරීමට ජනාධිපති ගෝඨාභය රාජපක්ෂ මහතා අද (22) පැවති විශේෂ රැස්වීමකදී අනුමැතිය දී තිබෙනවා.
කෙසේ වෙතත් හරිත කෘෂිකර්මාන්තය තව දුරටත් රජයේ ප්රතිපත්තිය බව කී ජනාධිපතිවරයා රජය කිසිවිටක එම ප්රතිපත්තියෙන් බැහැර නොවන බව ද අවධාරණය කර තිබෙනවා.
එහිදි ජනාධිපතිවරයා වැඩිදුරටත් පවසා ඇත්තේ අවශ්යතාව මත රජයේ මැදිහත්වීමෙන් තොරව කෘෂි රසායනික ද්රව්ය පෞද්ගලික අංශය මගින් ආනයන කළ හැකි වුවද, රජයේ සහනාධාර වැඩපිළිවෙළ යටතේ කිසිවිටෙකත් රසායනික පොහොර හෝ කෘෂි රසායන ලබා නොදෙන බවත්යි.
කොළඹ ජනාධිපති ලේකම් කාර්යාලයේදී අද (22) පෙරවරුවේ පැවැති විශේෂ සාකච්ඡාවකදී ජනාධිපති ගෝඨාභය රාජපක්ෂ මහතා මෙම අදහස් පළ කර තිබෙනවා.
කාබනික පොහොර භාවිතය සහ රසායනික පොහොර තහනම් කිරීම මත රට තුළ ඇතිවී තිබෙන ව්යාකූල තත්වයට විසදුමක් ලබාගැනීමට කෘෂිකර්ම අමාත්ය මහින්දානන්ද අලුත්ගමගේ සහ කෘෂිකර්ම රාජ්ය අමාත්ය ශෂින්ද්ර රාජපක්ෂ යන මහත්වරු ඇතුළු විශාල පිරිසකගේ සහභාගිත්වයෙන් මෙම රැස්වීම පැවැත්වුණා.