යාපනය දිස්ත්රික්කයේ ඊයේ (14) පැවති සංවර්ධන කමිටු රැස්වීමකදී එහි සිටි සියලු දෙනාම යාපනය දිස්ත්රික් පාර්ලිමේන්තු මන්ත්රී වෛද්ය රාමනාදන් අර්චුනා මහතාව ඉන් ඉවත් කරන ලෙසට ඉල්ලා තිබෙනවා.
ඒ යාපනය දිස්ත්රික් සංවර්ධන කමිටු රැස්වීමේදී මන්ත්රීවරයා එහි සිටි නිලධාරීන්ට බැණ වැදීම හා තර්ජනය කිරීම හේතුවෙන්
යාපනයේ සංවර්ධන කටයුතු පිළිබදව කරුණු සාකච්ඡා වූ අවස්ථාවේදි නිලධාරීන් විසින් දක්වන අදහස්වලට විරුද්ධ අදහස් දක්වමින් කෑකෝ ගසන්නට පටන් ගැනීම නිසා යාපනයේ මන්ත්රීවරු හා රාජ්ය නිලධාරීන් ඔහුව රැස්වීම් ශාලාවෙන් ඉවත් කරන ලෙස ඉල්ලා තිබෙනවා.
ඔහු ඉවත් කිරීමට පියවර නොගන්නේ නම් තමන් රැස්වීමෙන් පිටව යන බව නිලධාරීන් තරයේම ප්රකාශ කිරීම නිසා යාපනය දිස්ත්රික් සංවර්ධන කමිටු රැස්වීමේ කටයුතු විනාඩි කිහිපයකට නතර කිරීමට සිදුවූ බවයි පැවසෙන්නේ.
මේ අවස්ථාවේදී ධීවර අමාත්ය හා යාපනය දිස්ත්රික් සංවර්ධන කමිටුවේ සභාපති රාමලිංගම් චන්ද්රසේකර් අමාත්යවරයා උදා වූ තත්ත්වය සමථයකට පත් කරගෙන රැස්වීම නැවත පවත්වා තිබෙනවා.
