ගෝඨාභය රාජපක්ෂ ජනාධිපතිවරයාව විවේචනය කරමින් තම අදහස් විඩියෝවකින් මුහුණු පොත හරහා ප්‍රකාශ නිකුත් කළේ යැයි සැකපිට ෆසාල් මොහොමඩ් නිසාර් මහතාව අපරාද පරීක්ෂණ දෙපාර්තමේන්තුව අත්අඩංගුවට ගෙන ඇත.
නිසාර් මහතාව අධිකරණයට ඉදිරිපත් කිරීමෙන් අනතුරුව ජනවාරි මස 18 වනදා දක්වා රක්ෂිත බන්ධනාගාරගත කිරීමට කොළඹ මහෙස්ත්‍රාත් අධිකරණය එම නියෝගය නිකුත් කර ඇත.
නිසාර් මහතාව ජාතීන් අතර සුහදතාවය බිඳ වැටෙන ආකාරයට භික්ෂූන් වහන්සේලා ඇතුළු විවිධ පාර්ශව වලට අපහාස වන ආකාරයෙන් විවිධ ප්‍රකාශ මුහුණුපොත හරහා නිකුත්කර ඇති බව අපරාධ පරීක්ෂණ දෙපාර්තමේන්තුවේ නිලධාරීන් අධිකරණය හමුවේ ප්‍රකාශ කර ඇත.
එසේම සැකකරු ව්‍යාපාර රැසක් බිඳවැටී තිබියදී විශාල ධනවතෙකු මෙන් සුඛෝපභෝගී ජීවිතයක් ගතකරන බව සඳහන් කරන අපරාධ පරීක්ෂණ දෙපාර්තමේන්තුවේ නිලධාරීන් එය අදිකරණයට පෙන්වා දී ඇති අතර සැකකරු නීති විරෝධී අයුරින් මුදල් උපයන්නේද යන්න සැක සහිත බව දැනුම් දී ඇත.
ඒ අනුව ඔහුව රක්ෂිත බන්ධනාගාරගත කිරීමට සහ එදිනට පරීෂණවල ප්‍රගතිය වාර්තා කරන ලෙසද අපරාධ පරීක්ෂණ දෙපාර්තමේන්තුවේ නිලධාරීන්ට උපදෙස් ලබා දී ඇත.
