ඊයේ (31) දින ජනාධිපති නිවස ඉදිරිපිට විරෝධතාවයේ නිරත වීම හේතුවෙන් විරෝධතාවයේ නිරත කාන්තාවක් ඇතුළු 45 දෙනෙකු අත්අඩංගුවට පත්විය.
එම පිරිසට පොලිසිය විසින් පහර දීඇති බවට නිරීක්ෂණය වන බවයි ඔවුන් වෙනුවෙන් පෙනී සිටින නීතීඥ සුපුන් ජයවීර පවසන්නේ.
ඔවුන්ට එරෙහිව ත්‍රස්තවාදය වළැක්වීමේ පණත සහ පොදු දේපල පණත යටතේ චෝදනා ගොනු කිරීමේ සූදානමක් ඇති බවත් ඔහු පවසනවා.
එමෙන්ම මාධ්‍යවේදියෙකුට ද පහරදීමක් සිදුව ඇති බවයි ඔහු පවසන්නේ.
මේ අතර ඔවුන්ට විරුද්ධව ත්‍රස්තවාදය වළැක්වීමේ පණත යටතේ චෝදනා ගොනු නොකරන ලෙසට මිරිහාන පොලිසියට පැමිණි මානව හිමිකම් කොමිසමේ නියෝජිතයන් දන්වා තිබෙනවා.
