පකිස්තානය විසින් හදුන්වාදීමට යන දත්ත ආරක්ෂණ නීතිය නොපැහැදිළි සහ අඩුපාඩු රැසකින් සමන්විත එකක් බව ආසියානු අන්තර්ජාල එකමුතුව පවසයි.
එම නීතිය මගින් පකිස්තානය තුළ ක්රියාත්මක නොවන සහ දත්ත එකතු කිරීම සිදුනොකරන විදේශ සමාගම් පවා වගකීමට යටත් කර ඇති බවත් එවැන්නක් සිදුකරන්නේ කෙළෙසදැයි යන්න නොපැහැදිළි බවත් එම සන්ධානය පෙන්වා දී තිබේ.
මේ පසුබිම තුළ ආසියානු අන්තර්ජාල එකමුතුව පකිස්තාන තොරතුරු තාක්ෂණ අමාත්ය සායිඩ් අමිනුල් හක් වෙත යොමු කළ ලිපියක දැක්වෙන්නේ මෙම නීතිය තවදුරටත් වැඩි දියුණු කළ යුතු බවයි.
එසේ නොමැතිව මෙවැනි නීති කඩිනමින් ඉදිරිපත් කිරීම හරහා ගැටලු රැසක් හටගත හැකි බවද එම ලිපිය මගින් පෙන්වා දී තිබේ.
මේ අතර අදාළ නීතිය මගින් පුරවැසියන්ට සහ ව්යාපාරවලට බරපතල ගැටලු රැසක් ඇති විය හැකි බව පවසමින් පකිස්තානයේ සමාජ ක්රියාකාරිහු රැසක් ද මීට විරෝධය පළකරමින් සිටිති.