ඇස්ට්රාසෙනිකා දෙවනි මාත්රාව ලබාදීම සඳහා එක්තරා පෞද්ගලික සමාගමකට රුපියල් පන්දහසක මුදලක් ගෙවා ලියාපදිංචි වන ලෙස ජනතාවට දන්වා ඇති බවත් එය සිදුවන්නේ කාගේ අනුදැනුම මතදැයි විමසා සිටින බවත් රජයේ වෛද්ය නිලධාරීන්ගේ සංගමය පවසනවා.
එම සංගමයේ ලේකම් වෛද්ය නවීන් ද සොයිසා මහතා සදහන් කරන්නේ මෙරට කොවිඩ් මර්දන එන්නත්කරණය සිදුකරනු ලබන්නේ රජය විසින් ඇණවුම්කරණය කර වසංගත රෝග විද්යා අංශයේ මැදිහත්වීම මතනම් එය මෙලෙස පෞද්ගලික සමාගම් මත පැටවීම පිටුපස කවුරුන් හෝ සිටින බවයි.
කොවිඩ් රෝගය වෙනුවෙන් එන්නත් නිකුත් කිරීමේ පූර්ණ බලතල වසංගත රෝග විද්යා අංශය සතුව ඇතිනම් එය මෙලෙස පුද්ගලික සමාගමක් පැවරීම පිළිබදව වසංගත රෝග විද්යා අංශය උත්තර සැපයිය යුතු බවද නවීන් ද සොයිසා මහතා පවසනවා.