කොළඹ මහ නගර සභා බලප්රදේශයේ ඇස්ට්රාසෙනෙකා දෙවන එන්නත වෙනුවට යුද හමුදාව විසින් ෆයිසර් එන්නත් ලබාදීම අත්හිටවු බව යුද හමුදාපති ජෙනරාල් ශවේන්ද්ර සිල්වා මහතා පවසනවා.
ඊට හේතුව ලෙස යුද හමුදාපතිවරයා සදහන් කරන්නේ ජූලි මස තුන්වන සතිය වන විට ඇස්ට්රාසෙනෙකා එන්නත් මිලියන 1.4 ක් මෙරටට ලැබීමට නියමිත බැවින් අදාළ තීරණය ගත් බවයි.
මේ අතර, කොළඹ මහ නගර සභාවේ වසංගත රෝග විද්යාවේදීනී වෛද්ය දිනූකා ගුරුගේ මහත්මිය සිය ට්විටර් ගිණුමේ සටහනක් තබමින් සඳහන් කර ඇත්තේ අද (08) දින ෆයිසර් එන්නත ලබාගැනීමට පැමිණෙන ලෙසට දැනුම්දෙමින් කෙටි පණිවුඩ ලැබුණ පුද්ගලයින් ට ඒ සඳහා නොපැමිණෙන ලෙසයි.
කෙසේ වෙතත් කොළඹ මහ නගර සභා බලප්රදේශයේ ඇස්ට්රාසෙනෙකා එන්නතේ පළමු මාත්රාව ලබාගත් වසය අවුරුදු 55 ත් 69 ත් අතර පුද්ගලයින් සඳහා ෆයිසර් එන්නත දෙවන මාත්රාව ලබාදීම ඊයේ (07) සිට ආරම්භ කර තිබුණා.