තායිවානයට ප්‍රහාරයක් එල්ල කිරීම චීනය කටයුතු කළහොත් එය උපායමාර්ගික වැරැද්දක් වනු ඇතැයි එක්සත් ජනපද ඒකාබද්ධ මාණ්ඩලික ප්‍රධානීන්ගේ සභාපති ජෙනරාල් මාර්ක් මිලී බදාදා ප්‍රකාශ කරයි.
මෙම ප්‍රකාශය සිදුකර ඇත්තේ ලෝකයේ විශාලතම ආර්ථිකයන් හිමි චීනය සහ ඇමරිකාව අතර උපායමාර්ගික එදිරිවාදිකම් අඛණ්ඩව තීව්‍රවීම මධ්‍යයේයි.
සමුද්‍ර සන්ධිය හරහා තායිවානයට පහර දීම සහ වටලෑම දුෂ්කර කාර්යයක් බවත් තායිවානයේ වැඩි කොටසක් කඳුකර දූපත් බැවින් එය ඉතා දුෂ්කර හමුදා ක්‍රියාමාර්ගයක් වනු ඇතැයි ද ඔහු පැවසීය.
එහිදී චීන ජාතිකයන් දැඩි අවදානමකට ලක් වනු ඇති බවත් එය අනුවන භූ දේශපාලනික අත්වැරැද්දක් සහ යුක්රේනයේ පුටින් කර ඇති දෙයට සමාන උපායමාර්ගික වැරැද්දක් වනු ඇති බවත් ජනරාල් මිලී මාධ්‍ය හමුවකදී පවසා තිබේ.
තායිවානයේ තත්ත්වය සහ දිවයින ආරක්ෂා කර ගැනීමට සූදානම් වීමේදී යුක්රේනයේ ගැටුමෙන් පාඩම් ඉගෙන ගත යුතු බව ද ඔහු එහිදී පැවසීය.
චීනය වේගවත් තර්ජනයක් ලෙස හඳුන්වමින් ජෙනරාල්වරයා පැවසුවේ, සියවසේ මැද භාගය වන විට චීනය අංක එකේ බලවතා බවට පත්වීමේ අරමුණ ඉදිරියට ගෙන ගොස් ඇති බවයි.
