ජනාධිපති ලේකම් කාර්යාලය අවට නවතා තබා ඇති සුඛෝපභෝගි වාහන වෙන්දේසි කොට එම මුදල් භාණ්ඩාගාරයට ලබා ගන්නා ලෙස හිටපු පාර්ලිමේන්තු මන්ත්‍රි දයාසිරි ජයසේකර මහතා ජනාධිපති අනුර කුමාර දිසානායකගෙන් ඉල්ලීමක් කර තිබෙනවා.
එම වාහන සම්බන්ධයෙන් මාධ්‍ය විසින් කළ විමසීමකදී ඒ පිළිබඳව අදහස් දක්වමින් දයාසිරි ජයසේකර මහතා මේ බව සඳහන් කළා.
ඔහු තවදුරටත් පවසා සිටියේ එම වාහන වෙන්දේසි කිරීමෙන් අනතුරුව රජයේ නිලධාරින්ට රාජකාරි කටයුතු සඳහා ත්‍රී රෝද රථ යොදා ගැනීමට හැකි වනු ඇති බවයි.
“වාහන පෙන්නලා පොඩි සන්තෝෂයක් ලබනවා මම හිතන්නේ. 2015 දී ජෝන් අමරතුංග ඇවිල්ලා වාහන සංදර්ශනයක් තිබ්බා. ගෝල් ෆේස්පිටියේ. මේ වාහන පාවිච්චි කරලා තියෙන්නේ ඇමැතිවරු මන්ත්‍රිවරු නෙමෙයි. මේ වාහන පාවිච්චි කරලා තියෙන්නේ ජානාධිපති කාර්ය මණ්ඩලය සහ රජයේ නිලධාරින්. මම ජනාධිපතිගෙන් ඉල්ලීමක් කරනවා මේ වාහන වෙන්දේසිකරලා ඒ මුදල් මහාභාණ්ඩාගාරයට ගන්න. ඉන්පසුව ත්‍රිවිල්වලින් ගිහින් රජයේ නිලධාරින්ට වැඩ කරන්න කියන්න.”
