24 C
Colombo
Monday, December 11, 2023

ඉන්දියාව එක්දින තරගාවලිය ජයග්‍රහණයකින් අරඹයි

- Advertisement -

මුම්බායි වන්කඩේ ක්‍රීඩාංගනයේ කාසිය වාසිය දිනූ ඉන්දීය නායකයා පළමුව පන්දුවට පහරදීම සඳහා ඔස්ට්‍රේලියාවට ආරාධනා කළා.

ඉන්දීය නායකයාගේ තීරණය නිවැරදි බව සහතික කළ පන්දු බල ඇණිය ඕස්ට්‍රේලියා ඉනිම පන්දුවාර 35.4කදී ලකුණු 188කට සීමා කිරීමට සමත් වුණා.

මිචෙල් මාෂ් ලකුණු 81ක් ලබා ගත්තා.

පන්දු වාර 19ක් අවසන් වන විට ලකුණු කඩුලු 2ක් පමණක් දැවී  129ක් ලබා ගෙන ප්‍රබල ස්ථානයක රැඳී සිටින්නට ඕස්ට්‍රේලියව සමත් වුණත් තවත් ලකුණු 59ක් තුල ඔස්ට්‍රේලියානු ඉනිමේ අවසන් කඩුලු 8 බිඳ වැටුණා.

මෙහොමඩ් ෂාමි ලකුණු 17කට කඩුලු 3ක් සහ මොහොමඩ් සිරාජ් ලකුණු 29කට කඩුලු 3ක් දවා ගත්තා.

බැලූ බැල්මට පහසු ඉලක්කයක් හඹා යාමට පිටියට පිවිසි ඉන්දීය පිතිකරුවන්ට රිසි සේ පන්දුවට පහර දෙන්නට ඕස්ට්‍රේලියානු වේග පන්දු බල ඇණිය ඉඩ ලබා දුන්නේ නැහැ.

දෙවන පන්දුවාරයේදීම ඉෂාන් කිෂාන් පිටියෙන් ඉවත් කළ ස්ටොනිස්ට අනගි සහයක් ලබා දෙමින් ස්ටාර්ක් සිව්වන පන්දුවාරයේ පිට පිට පන්දු දෙකකදි කෝලි සහ සූර්යකුමාර් යාදෙව්ට ක්‍රීඩාගාරයේ අසුන් වෙන් කර දුන්නා.

මුලු ලකුණු සංඛ්‍යාව 39ක් වෙද්දී ඉන්දීය මුල් පෙල පිතිකරුවන් සිව්දෙනාම නරඹන්නන් බවට පත්ව සිටියා.

රාහුල් සමග එක්වුණු පාන්ඩ්‍යා පස්වැනි කඩුල්ලට ලකුණු 44ක් එක් කළා.

පාන්ඩ්‍යා දැවී යාමෙන් පසු පිටියට ආ ජඩේජා රාහුල්ට අනගි සහයක් ලබා දෙමින් ලකුණු 108ක නොබිඳුණු සබඳතාවක් සමගින් කණ්ඩායම ජයග්‍රහණය වෙත සුරැකිව රැගෙන ගියා.

කේ එල් රාහුල් නොදැවී ලකුණු 75යි ජඩේජා නොදැවී ලකුණු 45ක් ලබා ගත්තා.

ස්ටාර්ක් ලකුණු 49කට කඩුලු 3 යි.

ඒ අනුව තරග තුනකින් සමන්විත තරගාවලියි 1 – 0ක් ලෙස පෙරමුණ ගැනීමට ඉන්දියාව සමත් වුණා.

RECENT ARTICLES - SINHALA

AI තාක්ෂණයට ඉතිහාසයේ වැඩිම මුදල අයවැයෙන් වෙන් කළා- ජනාධිපති රනිල්

කෘත්‍රීම බුද්ධිය හෙවත් AI තාක්ෂණය මෙරටට ගෙන ඒමට සහ විද්‍යාත්මක හා තාක්ෂණ පර්යේෂණ කටයුතු ඉදිරියට ගෙන යාම වෙනුවෙන් මෙරට ඉතිහාසයේ වෙන් කළ වැඩිම මුදල...

වැට් බදු සංශෝධන පනත් කෙටුම්පත යළි හෙට පාර්ලිමේන්තුවට

පාර්ලිමේන්තුවට අද (10) දින ඉදිරිපත් කර සම්මත කිරීමට නියමිතව තිබූ වැට් බදු පනත් සංශෝධන පනත් කෙටුම්පත යලි හෙට (11) දිනයේදී පාර්ලිමේන්තුවට ඉදිරිපත් කර සම්මත...

පෙට්‍රල් සහ ඩීසල් වලටත් බඳු ගහනවා-රංජිත් සියඹලාපිටිය

පෙට්‍රල් සහ ඩීසල් සඳහා ද VAT නොහොත් එකතු කළ අගය මත බද්ද අය කරන බව මුදල් රාජ්‍ය අමාත්‍ය රංජිත් සියඹලාපිටිය මහතා පවසනවා. ඔහු මේ බව...

POPULAR ARTICLES

රට පුරා විදුලිය විසන්ධි වෙයි

මේ වන විට ලංකාව පුරා හදිසි විදුලිය බිඳ වැටීමක් සිදුව ඇති බව විදුලිබල මණ්ඩලයේ මාධ්‍ය ප්‍රකාශක ඉංජිනේරු නොයෙල් ප්‍රියන්න මහතා  පවසනවා. පද්ධතියේ ඇතිවී තිබෙන දෝෂයක්...

අර්ජුනගෙන් අලුත් සන්ධානයක්

දූෂිතයින්ගෙන් සහ වංචාකාරීන්ගෙන් තොර නව සන්ධානයක් බිහි කරන බව ශ්‍රී ලංකා කණ්ඩායමේ හිටපු ක්‍රිකට් නායකයෙකු වන අර්ජුන රණතුංග පවසනවා. ඔහු මේ බව කියා සිටියේ, අස්ගිරි...

රාජ්‍ය සේවකයින්ට විශේෂ අත්තිකාරම් මුදලක්

ලබන වසර සඳහා රාජ්‍ය නිලධාරීන්ට විශේෂ අත්තිකාරම් මුදලක් ලබාදීමට රජය තීරණය කර තිබෙනවා. රාජ්‍ය පරිපාලන හා ස්වදේශ කටයුතු අමාත්‍යංශය සඳහන් කළේ, ඒ අනුව රුපියල් 4,000ක...