චීනයේ ගිණිකොණදිග ප්‍රාන්තයක් වන ෆූජියෑන් ප්‍රාන්තයට දැඩි සංචරණ සීමා පනවා තිබේ.
පාසල් වසා දැමීමට පියවර ගෙන ඇති අතර මහජන ඒකාරාශිවීම්වලට දැඩි සීමා කිරීම් හදුන්වාදී ඇත.
ෆූජියෑන් බලධාරීන් පවසන්නේ සැලකිය යුතු මට්ටමින් කොරෝනා වෛරසයේ ඩෙල්ටා ප්‍රභේදය වැලදුණු ආසාදිතයන් හමුවීම නිසා මෙම තීරණ ගත් බවයි.
මේ අතර චීනයේ දැවැන්තම වාර්ෂික ආනයන අපනයන වෙළෙද ප්‍රදර්ශනය වන කැන්ටන් වෙළෙද ප්‍රදර්ශනය කොරෝනා වසංගතයට පසු පළමුවරට ලබන මාසයේදී පැවැත්වීමට සැලසුම් කර ඇත.
කෙසේවෙතත් සෙසු කාලයන්හි දින 20 ක් පුරා පැවැත්වෙන ප්‍රදර්ශනය නව තත්වයන් හමුවේ දින පහකට සීමා කිරීමට චීන බලධාරීන් තීරණය කර ඇති බව සවුත් චයිනා මෝර්නින් පෝස්ට් පුවත්පත වාර්තා කරයි.
