පසුගිය ජුලි මස ජනාධිපති ලේකම් කාර්යාලයට බලහත්කාරයෙන් ඇතුළුවී එහි දේපළවලට හානිකිරීමේ චෝදනාව මත අත්අඩංගුවට ගෙන රක්ෂිත බන්ධනාගාර ගතකර සිටි රංගන ශිල්පිනී දමිතා අබේරත්න මහත්මිය ඇප මත නිදහස් කරන ලෙස කොටුව මහෙස්ත්රාත් අධිකරණය අද (12) නියෝග කළා.
ඒ ඇයව අද කොටුව මහෙස්ත්රාත් අධිකරණයට ඉදිරිපත් කිරීමෙන් අනතුරුවයි.
කෙසේවෙතත් දමිතා අබේරත්න මහත්මියට විදේශගතවීම තහනම් කරමින් කොටුව මහෙස්ත්රාත් අධිකරණය නියෝගයක් නිකුත් කර තිබෙනවා.
බත්තරමුල්ල දියත උයනේ පසුගිය 07 වනදා පස්වරුවේ පැවති විරෝධතාවක් අවසන් කර නැවත යමින් සිටියදී දමිතා අබේරත්න මහත්මිය කොළඹ උතුර අපරාධ කොට්ඨාසයේ විමර්ශන ඒකකය විසින් පසුගියදා අත්අඩංගුවට ගැනුණා.
පසුගිය ජූලි 14 වනදා ජනාධිපති ලේකම් කාර්යාලයට අයුතු ලෙස ඇතුළුවී 22 වනදා දක්වා එහි රැඳීසිටිමින් අයුතු ජනරාශියක සාමාජිකයෙකුවීම සහ රුපියල් ලක්ෂ 12ක අලාභයක් ඊට සිදුකිරීම යන චෝදනා ඇය වෙත පොලීසිය විසින් එල්ලකර තිබුණා.