මහජන උපයෝගීතා කොමිසමේ සාමාජිකයන් දෙදෙනෙක්ට තර්ජනය කිරීම සහ සාපරාධී බලහත්කාරය පෑමේ චෝදනාව මත රක්ෂිත බන්ධනාගාර ගතකර සිටි ඒකාබද්ධ වෘත්තීය සමිති සන්ධානයේ කැඳවුම්කරු ආනන්ද පාලිත මහතා සහ විදුලිය පාවිච්චි කරන්නන්ගේ සංගමයේ ලේකම් සංජීව ධම්මික යන දෙදෙනා ඇප මත මුදා හැරීමට නියෝග කර තිබෙනවා.
ඒ අද (26) කොළඹ කොටුව මහේස්ත්රාත් අධිකරණයට ඉදිරිපත් කිරීමෙන් අනතුරුවයි.
පසුගිය 23 වනදා ඒකාබද්ධ වෘත්තීය සමිති සන්ධානයේ කැඳවුම්කරු ආනන්ද පාලිත සහ විදුලි පාවිච්චි කරන්නන්ගේ සංගමයේ ලේකම් සංජීව ධම්මික යන දෙදෙනා කොල්ලුපිටිය පොලීසිය හා කොළඹ අපරාධ කොට්ඨාශය විසින් අත්අඩංගුවට ගනු ලැබුවා.
ඒ විදුලි ගාස්තු සංශෝධනය ක්රියාත්මක නොකිරීමට ගත් සාමුහික තීරණය සම්බන්ධව මහජන උපයෝගීතා කොම්සමේ සාමාජිකයන් තිදෙනෙක් පසුව වෙනත් ස්ථාවරයක් දැරීම සම්බන්ධව පසුගිය 20 වනදා එහි සාමාජිකයන් දෙදෙනෙකුට තර්ජනය කිරීමේ සිද්ධියකට අදාළවයි.
අනතුරුව සැකකරුවන් දෙදෙනාව කොටුව මහෙස්ත්රාත් අධිකරණයට ඉදිරිපත් කළ අතර ඔවුන් දෙදෙනාව එහිදී අද (26) දක්වා රක්ෂිත බන්ධනාගාරගත කළා.
විදුලිය පාවිච්චි කරන්නන්ගේ සංගමයේ ලේකම් සංජීව ධම්මික අද (26) හඳුනාගැනීමේ පෙරට්ටුවකට ඉදිරිපත් කළ අතර එහිදී වැඩබලන කොටුව මහෙස්ත්රාත්වරයා ඉදිරියේදී උපයෝගීතා කොමිසමමේ සාමාජික ආචාර්ය මොහාන් සමරනායක මහතා විසින් හඳුනා ගනු ලැබුවා.