සර්ව පාක්ෂික සමුළුවක් සඳහා වංචනිකයන් පිරිසක් එක්වූ බව ජාතික ජන බලවේගයේ නායක අනුර කුමාර දිසානායක මහතා පවසනවා.
ඒ, ‘බිඳවැටුණු මව්බිම ගොඩනගන විසඳුම’ නමින් පැවති ජාතික ජන බලවේගයේ අම්පාර දිස්ත්රික් සමුළුවට ඊයේ (24) පස්වරුවේ එක්වෙමින්.
“මේ සිද්දවෙමින් තිබෙන දේ ගැන දන්නවා. දැන් අපිට ඕන වෙලා තිබෙන්නේ මේකෙන් අපි ගැලවෙන්නේ කොහොමද. දැන් මම දැක්කා ගැලවෙන්න සර්ව පාක්ෂික සමුළුවක් කැඳවලා තියෙනවා. මම හිතුව කට්ටිය වාඩි වෙලා මේ විදියට කරයි කියලා. රනිල් වික්රමසිංහ මහත්තය කියනවා. මහ බැංකු බැදුම්කරයෙන් මෙච්චර ගැහුවා ඕං එව්වා. කබ්රාල් කියනවා සේවක අර්ථසාදක අරමුදලේ මෙච්චර විනාශ කළා, ග්රීසියේ සල්ලි දාලා මෙච්චර විනාශ කළා, අමෙරිකාවේ CIA කාරයෙකුට සල්ලි දීලා මෙච්චර විනාශ කළා. ඔන්න එව්වා. මේසෙ උඩ තියනවා. මෛත්රීපාල සිරිසේනට කියන්න පුළුවන් ජනාධිපති වෙලා ගෙදර යනකොට කෝටි 800ක් වටිනා ගෙයක් ලියාගත්තා මේං ඒක ආපහු. බැසිල් රාජපක්ෂට කියන්න තිබ්බා මල්වානේ ගෙදර, මාතර බ්රවුන්ස් හිල් වල ඉඩම් ලොස් ඇන්ජලීස් වල දේපළ, මෙන්න එව්වා. එහෙමනම් ඉතින් කන්ටේනර් හත අටක් පුරවන්න පුළුවන් ඩොලර් හොයාගන්න තිබුනා. එහෙම නම් මේ අර්බුදයට විසඳුමක් වෙනවා ඔය සර්ව පාක්ෂික සමුළුවෙන්.
හැබැයි එකක් කියන්නම් ඒගොල්ලෝ ස්වෙච්ඡාවෙන් ඕවා පෙන්නන්නේ නැති බවත් දන්නවා දෙන්නේ නැති බවත් දන්නවා. මේ රට හදන්නේ යළි කවදාහරි ඒ සියල්ල යළි පවරාගෙන. වංචනිකයන් රැළක්. රට විශාල ප්රපාතෙකට ඇදපු කණ්ඩායමක්. යළි එකට එකතුවෙලා සාකච්ඡා කරනවා මේ රට හදන්න. ඇත්තට අද අවශ්ය වී තියෙන්නේ ඒ කණ්ඩායම් විසඳුම් හොයන එක නෙවෙයි. ඒ කණ්ඩායම පළවාහරින එක. කාටහරි හිතෙනවාද ඒත් සහෝදරයා බැසිල්-රනිල් බැනගත්තා වගේ ටොප් හොඳද.. චිත්රපටියකට හොඳයි විකට. රටට වැඩක් නෑ. ඒ නිසා මේ රට ගොඩගන්න අපි නව දේශපාලන කණ්ඩායමක් අතට බලය මාරු කළ යුතුයි.”