මුදල් ඇමති බැසිල් රාජපක්ෂ නොවැම්බර් මාසයේදී සිය මංගල අය වැය ලෙස විප්ලවීය හා සිතා ගත නොහැකි අයවැයක් ඉදිරිපත් කරන අතර එය ඇලඩින්ගේ පුදුම පහන මෙන් වනු ඇතැයි ඉඩම් අමාත්ය එස්.එම්. චන්ද්රසේන මහතා පවසනවා.
ප්රවෘත්ති සාකච්ඡාවකට එක්වෙමින් අමාත්යවරයා පවසන්නේ ඒ සම්බන්ධයෙන් සියලු අමාත්යවරුන්, පාර්ලිමේන්තු මන්ත්රීවරුන් සහ සිවිල් කණ්ඩායම් සමඟ මේ වන විටත් සාකච්ඡා කරමින් සිටින බවයි.
මුදල් අමාත්ය බැසිල් රාජපක්ෂ මහතා මේ වන විටත් අමාත්යාංශවල වියදම් කපා හැරීමෙන් ඵලදායී පියවර ගෙන ඇති බවත් ඔහු හොඳ බුද්ධිමත් භාවයකින් මුදල් අමාත්යාංශය පවත්වාගෙන යන බවත් එස්.එම්.චන්ද්රසේන මහතා පවසනවා.
වසංගතයක් මධ්යයේ රට ආර්ථික අර්බුදයකට මුහුණ පා තිබියදීත් බැසිල් රාජපක්ෂ මහතා මුදල් අමාත්යාංශය භාර ගත් බවද චන්ද්රසේන මහතා වැඩිදුරටත් පවසනවා.