2022 මුදල් වර්ෂය සඳහා වන අයවැය යෝජනාවන් මෙරට මුදල් අමාත්‍යවරයා වන බැසිල් රාජපක්ෂ මාහතා විසින් ඊයෙ (12) දින ඉදිරිපත් කරන ලදි.
එම අයවැය යෝජනාවලිය මෙවර ඉදිරිපත් කෙරුනේ නිදහස් ශ්‍රී ලංකාවේ 76 වන අයවැය ලෙසයි.
මෙය ජනාධිපති ගෝඨාභය රාජපක්ෂ මහතාගේ රජයේ දෙවන අයවැය වාර්තාව වන අතර මුදල් අමාත්‍යවරයා ලෙස බැසිල් රාජපක්ෂ මහතා ඉදිරිපත් කරනු ලබන මංගල අයවැය වේ.
*පොහොසත් පුද්ගලයන් සහ සමාගම් වඩ වඩාත් දියුණු වීම සහ දුප්පතා තවත් දුප්පත් වීම
*තිරසාර සංවර්ධනය අඩාළ වීම
*ගෝලීය උෂ්ණත්වය ඉහළගොස් ස්වභාවික ආපදා වැඩිවීම
*බහු පාර්ශවීය සහ ද්විපාර්ශවීය සහය අඩු වීම
*කොරෝනා නිසා බිහි වූ ආර්ථික ගැටලු
යන ගෝලීය අර්බුද 5ක් මැද මෙම අයවැය ඉදිරිපත් කරන බවයි මුදල් අමාත්‍යවරයා වැඩිදුරටත් එහිදී පවසා සිටියේ.
කෙසේ නමුත්, එම අයවැයට අනුව, 2022 වසරේ අපේක්ෂිත සමස්ත ආදායම රුපියල් බිලියන 2284 ක් වන අතර අපේක්ෂිත වියදම රුපියල් බිලියන 3912 කි.
ඒ අනුව අයවැය පරතරය රුපියල් බිලියන 1628 ක් හෙවත් 8.8% කි.
අපේක්ෂිත ආදායමෙන් බිලියන 1987 ක් බදු ආදායම් වන අතර ඉන් බිලියන 1031 ක්ම භාණ්ඩ හා සේවා මත පනවන බදු වේ.
2022 අයවැය යෝජනාවලියේ සාරාංශය පහතින්,
