කොළඹ ජාතික රෝහලේදී රිෂාඩ් බදියුදීන් මන්ත්රීවරයාට බීමට දුන් බෙහෙත් ඔහු දිනපතා රෝහල් වැසිකිලියේ ජනේලයෙන් ඉවතට විසිකර ඇතිබව අනාවරණය වී තිබෙනවා.
පාර්ලිමේන්තු මන්ත්රී රිෂාඩ් බදියුදීන් මහතාගේ නිවසේ සේවය කරමින් සිට පිළිස්සී මියගිය වයස අවුරුදු 16 දැරියගේ සිදුවීමට පසු දිනයේ ඇතිවූ අසනීප තත්ත්වයක් මත රිෂාඩ් බදියුදීන් මන්ත්රීවරයා කොළඹ ජාතික රෝහලට ඇතුළත් කර කළා.
ඒ වන තෙක් ඔහු රැදවුම් නියෝග මත අපරාධ පරීක්ෂණ දෙපාර්තමේන්තුව භාරයේ පසුවුණා.
රෝහල් ගත කිරීමෙන් අනතුරුව මන්ත්රීවරයා වෙනම වැසිකිළියක් භාවිතා කර ඇති අතර ඔහු සෑම දිනකම එය භාවිත කිරීමට යන අවස්ථාවේදී අපරාධ පරීක්ෂණ දෙපාර්තමේන්තුවේ නිලධාරීන් ඒ පිළිබඳව විමසිල්ලෙන් පසුව තිබෙනවා.
ඒ අනුව අද (24) දිනයේදී ඔහු වැසිකිළියට ගොස් ඇත්තේ සැක සහිත ලෙස කොළ කැබැල්ලක් සිය අත්ල මත ගුලි කරගෙන බව අපරාධ පරීක්ෂණ දෙපාර්තමේන්තුවේ නිලධාරීන් හට නිරීක්ෂණය වී තිබෙනවා.
වැසිකිළිය තුළට ගිය මන්ත්රීවරයා තමන් අත වූ කොළ කැබැල්ල එහි කුඩා ජනේලයෙන් ඉවතට විසිකර ඇති අතර ඒ අවස්ථාවේදී ඒ අසල සිටි බුද්ධි නිලධාරීන් විසින් එය අහුලාගෙන පරීක්ෂා කිරීමේදී ඒ තුළ වූ බෙහෙත් පෙති කිහිපයක් සොයා ගැනුණා.
අනතුරුව මන්ත්රීවරයා සිටි 52 වැනි වාට්ටුව භාර වෛද්යවරයාට අදාළ බෙහෙත් පෙති ඉදිරිපත් කිරීමෙන් පසුව අනාවරණ වී ඇත්තේ ඔහුට පානය කිරීමට ලබාදෙන බෙහෙත් පෙති මෙලෙස ඉවතට විසිකර ඇති බවයි.
මේ හේතුවෙන් මන්ත්රීවරයාගේ ප්රතිකාර අවසන් කර ඔහුව නැවත වතාවක් අපරාධ පරීක්ෂණ දෙපාර්තමේන්තුව වෙත රැගෙන යෑමට වෛද්යවරයා විසින් නිර්දේශ කර තිබෙනවා.
ඒ අනුව පාර්ලිමේන්තු මන්ත්රී රිෂාඩ් බදියුදීන් මහතාව යළිත් වරක් අපරාධ පරීක්ෂණ දෙපාර්තමේන්තුව වෙත රැගෙන යාමට එම දෙපාර්තමේන්තුවේ නිලධාරීන් කටයුතු කර තිබෙනවා.