කොවිඩ් වසංගතයේ නව ව්යාප්තියට මුහුණදීම සඳහා චීනයේ අගනුවර වන බීජිංහි තාවකාලික රෝහල් ඉදිකිරීමට සූදානම් කර තිබේ.
මේවන විට, බීජිං හි රෝහල්වල කොවිඩ් ආසාදනය වූ අය සඳහා ඇඳන් 4,000 ක් පමණ වෙන් කර ඇති අතර, අවශ්ය වුවහොත් තවත් ස්ථාන, විශාල පරිමාණයේ තාවකාලික රෝහල් බවට පරිවර්තනය කරන බව බීජිං නාගරික සෞඛ්ය කොමිෂන් සභාවේ නියෝජ්ය අධ්යක්ෂ ලී අන් පැවසීය.
නවතම වර්ගීකරණයන් මගින් බීජිං හි සමස්ත අධි අවදානම් ප්රදේශ සංඛ්යාව 6 දක්වා සහ මධ්යම අවදානම් ප්රදේශ 23 දක්වා ගෙන ගොස් ඇති බව එරට මාධ්ය වාර්තා කරයි.
Xinhua පුවත් සේවය වාර්තා කර සිටියේ, අප්රේල් 22 සිට දිස්ත්රික්ක 13 ක දේශීය ආසාදිතයින් 295 ක් වාර්තා වී ඇති බවයි.
වසර දෙකකට පසු යළි මතුව ඇති චීනයේ දරුණුතම කොවිඩ් ව්යාප්තිය සම්බන්ධයෙන් බලධාරීන් කෙරෙහි මහජන අවිශ්වාසය සහ රජය කෙරෙහි කෝපය මතු කර ඇති අතර බීජිං හි අත්යවශ්ය නොවන ක්රියාකාරකම් සහ ව්යාපාර වසා දැමීමෙන් පසුව ජනතාව භාණ්ඩ රැස්කිරීම ආරම්භ කර ඇති බවද වාර්තා වේ.