ශීත ඍතු ඔලිම්පික් ක්‍රීඩා උළෙල පැවැත්වීමට සති දෙකකටත් අඩු කාලයක් තිබියදී කොවිඩ් ප්‍රභේද නව වෛරසයේ රෝගීන් කිහිපදෙනකු වාර්තා වීම නිසා බීජිං නගර තුළ වෛරසය පැතිර යාම පාලනය කිරීම සඳහා අලුතින් දැඩි ක්‍රියාමාර්ග හඳුන්වා දී තිබේ.
නව රෝගීන් 9 දෙනෙකු ජනවාරි 22 වන දින බීජිං හි සොයා ගත් බව ජාතික සෞඛ්‍ය කොමිෂන් සභාව පසුගියදා ප්‍රකාශ කළ අතර ඉන් හයක් නගරයේ ෆෙංතායි දිස්ත්‍රික්කයේ වාර්තා විය.
ඒ හේතුවෙන් ෆෙංතායි දිස්ත්‍රික්කයේ සියලුම පදිංචිකරුවන් සඳහා COVID-19 සඳහා වූ අම්ල පරීක්ෂණක් සංවිධානය කරන බව දිස්ත්‍රික් සෞඛ්‍ය බලධාරීහු පවසති.
ෆෙංතායි හි අසල්වැසි ප්‍රදේශයක් ඇතුළුව අවදානම් සහිත ප්‍රදේශවල පදිංචිකරුවන්ගෙන් නගරයෙන් පිටව නොයන ලෙසත් ජන ඒකරාශී රැස්වීම්වලින් වළකින ලෙසත් දැනුම් දී තිබේ.
මේ අතර කොරොනා වෛරසයේ පළමුවන ඔමික්‍රොන් ප්‍රභේදය කැනඩාවෙන් බීජිං වෙත පැමිණෙන්නට ඇති බවට බලධාරීහු විශ්වාසය පළකරති.
