පාකිස්තාන අගමැති ඉම්රාන් ඛාන්ට එරෙහි විශ්වාසභංගයට පෙර පාලක ආණ්ඩුවේ ප්රධාන පක්ෂ තුනක් විපක්ෂ සන්ධානයට එක්වීමට තීරණය කර ඇතැයි එරට මාධ්ය වාර්තා කරයි.
ආණ්ඩුවේ ප්රධාන හවුල්කරුවන් තිදෙනෙකු වන පාකිස්තාන මුට්ටාහිඩා කූමි (Muttahida Quumi Movement Pakistan), පාකිස්තාන මුස්ලිම් ලීගය (Pakistan Muslim League-Quaid) සහ බලුකිස්තාන අවාමි පක්ෂය (Balochistan Awami Party) මෙසේ විපක්ෂය සමග එක්වීමට තීරණය කර තිබේ.
ඉම්රාන් ඛාන් ධූරයෙන් නෙරපා හැරීමේ ව්යාපාරය සදහා තමන් විපක්ෂය සමග එක්වන බව නුදුරේදීම ඔවුන් විසින් ප්රකාශ කරනු ඇතැයි ආරංචි මාර්ග පවසයි.
ඉම්රාන් ඛාන්ගේ පක්ෂය අභ්යන්තර කැරැල්ලකට ද මුහුණ දී සිටින අතර ජාතික සභාවේ මන්ත්රීවුන් කිහිප දෙනෙක් පසුගියදා පාලක ටෙහ්රීක්-ඉ-ඉන්සාෆ් පක්ෂය හැර ගොස් දැනටමත් විපක්ෂය සමග එක්වී සිටිති.
මීට පෙර ද මන්ත්රීවු 24 ක් පමණ විශ්වාසභංගයට පක්ෂව ඡන්දය දෙන බව ප්රකාශ කරමින් ඉම්රාන් ඛාන්ගේ නායකත්වයෙන් යුත් පාකිස්ථාන ටෙහ්රීක්-ඉ-ඉන්සාෆ් ආන්ඩුවෙන් ඉවත් වූහ.