ඕස්ට්‍රේලියානු කණ්ඩායම සමඟ T20 තරගාවලියකට එක්ව සිටින ශ්‍රී ලංකා කණ්ඩායමේ වේග පන්දු යවන ක්‍රීඩක බිනුර ප්‍රනාන්දුට කොවිඩ්-19 ආසාදනය වී තිබෙනවා.
ඒ බව තහවුරු වී ඇත්තේ සිදුකරන ලද Antigen පරික්ෂණයකදීයි.
කෙසේ වෙතත් අනතුරුව PCR පරීක්ෂණයක්ද සිදුකර ඇති අතර එහි ප්‍රතිඵල තාම ලැබී නැහැ.
පසුගියදා (11) ඕස්ට්‍රේලියානු කණ්ඩායම සමඟ පැවති පළමු T20 තරගයේදී විශිෂ්ඨ පන්දු යැවීමක නිරත වූ බිනුර සිය පන්දුවාර 04 තුළදී ප්‍රතිවාදී ඕස්ට්‍රේලියානුවන්ට ලකුණු 12ක් පමණක් ලබාදෙමින් කඩුලු 02ක් බිඳ හෙලීමට සමත් වුණා
කෙසේ වෙතත් සිදුකරන ලද Antigen පරීක්ෂණය Positive වීම හේතුවෙන් මේ වන විට අද (13) පැවැත්වෙන දෙවන T20 තරගයට බිනුරගේ සහභාගිත්වය අවිනිශ්චිත වී තිබෙනවා.
