බොදු බල සේනා සංවිධානය අන්තවාදී සංවිධානයක් හැටියට පාස්කු ඉරිදා ප්‍රහාරය ගැන සොයාබැලූ ජනාධිපති පරීක්ෂණ කොමිසම නිගමනය කර ඇති අතර අප්‍රේල් 21 ප්‍රහාරයට එහි ක්‍රියාකාරකම් හා මතවාද ද හේතු වී ඇතැයි වැඩිදුරටත් නිගමනය කර ඇත.
ප්‍රහාරය සිදුවීමෙන් පසු මහජන විරෝධතා කඩාකප්පල්කාරී ක්‍රියා දේපල හා පුද්ගලයන් හානි සිදුකිරීම සහ මහජන නොසන්සුන්තාවයට ඇති පිරිස් හඳුනාගෙන ඇති බව ද එහි දැක්වේ.
හඳුනාගෙන ඇති එම පුදගලයන් සහ සංවිධාන වාර්ගික හා ආගමික ක්‍රියාවන්ට හේතු වූ වාර්ගික හා ආගමික කැළඹීම් ඇතිකිරීමට තුඩු දුන් මහජන නොසන්සුන්තාවයක් ඇති කොට රට තුළ මෙවැනි ක්‍රියාවන්ට ආධාර හෝ අනුබල ලබා දුන් බවට සහ එම ක්‍රියාවන් මගින් සමාජය තුළ සාමය ස්ථාපිත කිරීමට බාධා කළ අතර සමාජ අඛණ්ඩතාව කඩාකප්පල් කරමින් වාර්ගික කැළඹීම් ද ඇති කළ බව ද වැඩිදුරටත් එහි සඳහන් වේ.
