මීට කෙටි වේලාවකට පෙර අලුත්කඩේ උසාවි සංකීර්ණය තුළ සිදුවූ වෙඩිතැබීමෙන් සංවිධානාත්මක අපරාධ කල්ලි නායකයෙකු වන සංජීව කුමාර සමරරත්න හෙවත් ගණේමුල්ල සංජීව නැමැත්තා ජීවිතක්ෂයට පත්ව ඇති බව පොලීසිය පවසනවා.
වෙඩි තැබීමෙන් අනතුරුව ඔහුව කොළඹ ජාතික රෝහලේ හදිසි අනතුරු අංශයේ ප්‍රතිජීවන ඒකකය වෙත ඇතුළත් කරනු ලැබූ බව රෝහල් ආරංචි මාර්ග පවසනවා.
ගණේමුල්ල සංජීව නැමැත්තාව නඩු කටයුත්තක් සඳහා බූස්ස බන්ධනාගාරයේ සිට අද (19) පෙරවරුවේ අලුත්කඩේ අධිකරණය වෙත රැගෙනවිත් තිබුණා.
එහිදී ගනේමුල්ල සංජීව විත්ති කූඩුවට ගොඩවූ පසුව නීතිඥවරයෙකු ලෙස සැරසී පැමිණි පුද්ගලයෙකු වෙඩි තබා පලා ගොස් ඇතැයි අනාවරණය වී තිබෙනවා.
