මේ වන විට බන්ධනාගාර ගතව පසුව රෝගී තත්ත්වයක් යැයි පවසමින් බන්ධනාගාර රෝහලේ සිටින දුමින්ද සිල්වාගේ රෝගී තත්ත්වය පිළිබදව සොයා බැලීමට වෛද්‍ය මණ්ඩලයක් පත්කර ඇතැයි බන්ධනාගාර මාධ්‍ය ප්‍රකාශක ගාමිණි.බී. දිසානායක මහතා පවසනවා.
ඔහු සදහන් කරන්නේ බන්ධනාගාර දෙපාර්තමේන්තුවේ ඉල්ලීමකට අනුව තවදුරටත් දුමින්ද සිල්වා බන්ධනාගාර රෝහලේ නේවාසිකව ප්‍රතිකාර ගත යුතුදැයි සොයා බැලීමට සෞඛ්‍ය සේවා අධ්‍යක්ෂ ජනරාල්වරයා විසින් වෛද්‍ය මණ්ඩලයක් පත් කර ඇති බවයි.
ඒ අනුව ඉදිරි දින කිහිපය ඇතුළත අදාළ වෛද්‍ය මණ්ඩලය විසින් දුමින්ද සිල්වා මහතා පරික්ෂා කිරීමෙන් අනතුරුව ඔහුගේ සෞඛ්‍ය තත්ත්වයට අදාළ වාර්තාව බන්ධනාගාර දෙපාර්තමේන්තුව වෙත ලබාදීමට නියමිත බව බන්ධනාගාර මාධ්‍ය ප්‍රකාශකවරයා පවසනවා.
කෙසේවෙතත් දුමින්ද සිල්වාට වෙනම වැසිකිලියක් ලබාදී ඇති බවට වන චෝදනාව බන්ධනාගාර මාධ්‍ය ප්‍රකාශකවරයා ප්‍රතික්ෂේප කරනවා.
ඔහු සදහන් කරන්නේ මීට කලකට පෙර අවස්ථා දෙකකදී දුමින්ද සිල්වා සිටින ස්ථානය පරික්ෂා කලත් ජංගම දුරකතන වැනි කිසිදු උපකරණයක් ඔහු සතුව නොතිබූ බවයි.
