අනුරාධපුරදී පොලිස් නිලධාරීන්ගේ රාජකාරියට බාධා කිරීම සම්බන්ධයෙන් පාර්ලිමේන්තු මන්ත්රී අරුචුනා රාමනාදන් අද (29) අත්අඩංගුවට ගත් බව පොලිස් මාධ්ය ප්රකාශක බුද්ධික මනතුංග මහතා පවසනවා.
යාපනය ප්රදේශයේදී විශේෂ පොලිස් කණ්ඩායමක් විසින් මෙම අත්අඩංගුවට ගැනීම සිදු කර තිබෙන බවයි වාර්තා වන්නේ.
පසුගිය 20 වැනිදා රාත්රි කාලයේ අනුරාධපුරය ප්රදේශයේදී රථවාහන රාජකාරීවල නිරතව සිටි නිලධාරීන් හට සාපරාධී බලහත්කාරය පා රාජකාරියට බාධා කිරීම සම්බන්ධයෙන් අනුරාධපුර පොලීසිය විමර්ශනයක් ආරම්භ කර තිබුණා.
එම විමර්ශනයේ කරුණු අනුරාධපුර මහේස්ත්රාත් අධිකරණයට ඉදිරිපත් කිරීමෙන් අනතුරුව මෙම අත්අඩංගුවට ගැනීම සිදුව තිබෙනවා. අත්අඩංගුවට ගත් මන්ත්රීවරයා අනුරාධපුර මහේස්ත්රාත් අධිකරණය වෙත ඉදිරිපත් කිරීමට නියමිතයි.