9 වන පාර්ලිමේන්තුවේ තෙවැනි සභාවාරයේ කටයුතු අවසන් කිරීමට රජය තීරණය කර තිබෙනවා.
රජයේ ඉහළ පෙළේ ආරංචි මාර්ග පෙන්වා දෙන්නේ වාර අවසාන කිරීමට අදාළ ගැසට් නිවේදනය බොහෝ දුරට අද (27) රාත්‍රීයේ හෝ හෙට (28) නිකුත් කෙරෙනු ඇති බවයි.
වාර අවසාන කිරීමෙන් පසුව පාර්ලිමේන්තුව ජනාධිපතිවරයා අතින් පෙබරවාරි මස 8 වැනිදා උත්සවාකාරයෙන් විවෘත කිරීමට නියමිතයි.
මේ අතර අද (27) මධ්‍යම රාත්‍රියේ සිට පාර්ලිමේන්තුව වාර අවසාන කිරීමට අදාළ අති විශේෂ අදාළ ගැසට් නිවේදනය ජනාධිපති ලේකම්වරයා විසින් මුද්‍රණය සඳහා රජයේ මුද්‍රණාලය වෙත යොමුකර ඇති බවද ඉහළ පෙළේ ආරංචි මාර්ග පෙන්වා දෙනවා.
මේ අතර අද (27) මධ්‍යම රාත්‍රීයේ සිට පාර්ලිමේන්තුව වාර අවසන් කිරීමේ ගැසට් නිවේදනය ජනාධිපති කාර්යාලය විසින් වෙන් කර තිබෙනවා.
පාර්ලිමේන්තුව වාර අවසන් කිරීමේ ගැසට් නිවේදනය මුද්‍රණාලයට යොමු කර තිබෙනවා.
ඒ අනුව නව සැසිය ආරම්භය පෙබරවාරි 08 වැනිදා උදෑසන 10 ට ආරම්භ වනු ඇති.
