ශ්‍රී ලංකාවේ නව වන ජනාධිපතිවරයා ලෙස අනුර කුමාර දිසානායක මහතා පැවති ජනාධිපතිවරණයෙන් තේරී පත්වී ඇති බව මැතිවරණ කොමිසම මීට සුළු මොහොතකට පෙර නිවේදනය කළා.
පැවති ජනාධිපතිවරණයේදී 50% ක ඡන්ද ප්‍රතිශතයක් ප්‍රධාන අපේක්ෂකයින් දෙදෙනාම ලබා නොගත් බැවින් ඉතිහාසයේ ප්‍රථම වරට දෙවන මනාපය ගණන් කර ජනාධිපතිවරයා තෝරා පත්කර ගැනීම මෙම ජනාධිපතිවරණයේදී සිදුවුණා.
එහිදී පළමු වටයේදී අනුර කුමාර දිසානායක මහතා ඡන්ද 5,634,915 ක්ද සජිත් ප්‍රේමදාස මහතා 4,363,035 ක ඡන්ද ප්‍රමාණයක් ලබාගත්තා.
ඒ අනුව අනුර කුමාර දිසානායක මහතා 42.31% ක ඡන්ද ප්‍රතිශතයක් ලබාගත් අතර සජිත් ප්‍රේමදාස මහතා 32.76% ක ප්‍රතිශතයක් ලබාගනු ලැබූවා.
මේ හේතුවෙන් දෙවන මනාපය ගණනය කිරීමට සිදුවූ අතර එහිදී සජිත් ප්‍රේමදාස මහතා 167,867 ක ඡන්ද ප්‍රමාණයක් ලබාගත් අතර අනුර කුමාර දිසානායක මහතා ඡන්ද 105,264 ක ප්‍රමාණයක් ලබාගත්තා.
ඒ අනුව ශ්‍රී ලංකාවේ නව වන ජනාධිපතිවරයා ලෙස අනුර කුමාර දිසානායක මහතා පැවති ජනාධිපතිවරණයෙන් තේරී පත්වී ඇති බව මැතිවරණ කොමිසම නිවේදනය කරනවා.
