කාෂ්මීරයේ පන්සාර් ප්‍රදේශයේ දී පකිස්තානයේ සිට ඉන්දියාව දක්වා දේශසීමාවට යටින් තනා තිබූ මීටර් 150 ක් දිගු උමගක් සොයාගෙන තිබේ.
ඉන්දීය ආරක්ෂක අංශ,සදහන් කරන්නේ ත්‍රස්තවාදීන්ට සැපයුම් ලබාදීම සදහාත් , දේශසීමාව හරහා ගමන් කිරීම සදහාත් මෙම උමග යොදා ගෙන ඇති බවයි.
මීටර් 39 ක් පමණ ගැඹුරින් විහිදී ඇති මෙම උමගට අමතරව මීට දින 10 කට පමණ පෙරද මෙවැනිම තවත් උමගක් සොයාගත් බව ඉන්දීය බලධාරීන් ප්‍රකාශ කර තිබේ.
මේ සම්බන්ධයෙන් පකිස්තාන ආරක්ෂක අංශවලට චෝදනා කරන ඉන්දීය ආරක්ෂක බලධාරීන් මෙවැනි තවත් උමග ඇද්දැයි සොයා ප්‍රදේශයේ සෝදිසි මෙහෙයුම්ද දියත් කර ඇති බව විදෙස් මාධ්‍ය වාර්තා සදහන් කරයි.
