අද (30) මධ්‍යම රාත්‍රීයේ සිට බස් ගාස්තු 22% කින් ඉහළ දැමීමට ජාතික ගමනාගමන මණ්ඩලය තීරණය කර තිබෙනවා.
එම මණ්ඩලයේ, අධ්‍යක්ෂ ජනරාල් තිලාන් මිරැන්ඩා මහතා පවසන්නේ මේ අනුව අද මධ්‍යම රාත්‍රීයේ සිට අවම බස්ගාස්තුව රු 40ක් වනු ඇති බවයි.
පසුගියදා ප්‍රවාහන අමාත්‍යංශයේ බලධාරීන් හා බස් සංගම් අතර පැවති සාකච්ඡාව තීරණයකින් තොරව අවසන් වුණා.
එහිදී පෞද්ගලික බස්රථ හිමියන්ගේ සංගමයේ සභාපති ගැමුණු විජේරත්න මහතා බස් ගාස්තු ඉහළ දැමීමට දැඩිව විරෝධය පලකළා.
ඔහු පැවසුවේ කිසිසේත්ම බස්ගාස්තු ඉහළ නැංවීමට ඉඩ නොදෙන බවයි.
