ලොතරැයි මිල දී ගැනීම මගින් රටේ සංවර්ධනයට සියලු දෙනාටම දායක විය හැකි බව ජාතික ලොතරැයි මණ්ඩලයේ වැඩබලන සභාපති, ජනාධිපති නිතීඥ රොනල්ඩ් සී. පෙරේරා පවසනවා.
මේ වසරේ ජාතික ලොතරැයි මණ්ඩලය බිහිකළ ජයග්රාහකයින් 16 දෙනෙකුට චෙක්පත් ප්රදානය කිරීමේ උත්සවයකට ඊයේ එක්වෙමින් ඔහු මෙම අදහස් පල කළා.
මේ අතර, කොළඹ නෙළුම් කුලුන විවෘත කළ ඊයේ දිනය තුළ රුපියල් මිලියන 2කට වැඩි ආදායමක් ඉපයීමට හැකි වූ බව කොළඹ නෙළුම් කුලුන කළමනාකරණ පුද්ගලික සමාගම පවසනවා.
පළමු දිනය තුළ නෙළුම් කුලුන නැරඹීමට දෙස් විදෙස් පුද්ගලයින් 2612 දෙනෙකු පැමිණ ඇති අතර අදත් විශාල පිරිසක් නෙළුම් කුලුන නැරඹීමට පැමිණ සිටි බවයි එම සමාගම පවසන්නේ.