ඉන්දීය කේබල් රූපවාහිනී නාලිකා පකිස්තානය තුළ විකාශය කිරීමේ චෝදනාවට එරට ෂායිවාල් ප්රදේශයේදී පුද්ගලයකුගේ අත්අඩංගුවට ගෙන තිබේ.
ඉන්දීය සිනමා සහ සංගීත කේබල් රූපවාහිනී නාලිකා විකාශය කිරීම පකිස්තානය තුළ තහනම් කර ඇති අතර ඊට ප්රධාන හේතුව දැඩි ඉස්ලාම් ආගමික බලපෑමයි.
කෙසේවෙතත් අදාළ තහනම නොතකා දිගින් දිගටම ඉන්දීය සිනමා සහ සංගීත වැඩසටහන් ඇතුළත් කේබල් නාලිකා රහසිගතව පකිස්තානය තුළ විකාශය කෙරේ.
ඒ සදහා දැඩි ඉල්ලුමක් පවතින බවත්,මේ තත්වය තුළ පකිස්තාන විද්යුත් මාධ්ය නියාමන අධිකාරිය මෙවැනි තහනම් විකාශයන් පාලනයට වැටලීම් කරන බවත් වාර්තා වේ.
විදෙස් මාධ්ය වාර්තා කරන්නේ මේ පිලිබද සොයාබැලීමට ඇතැම් ආගමික කණ්ඩායම් තම සාමාජිකයන් ස්වෙච්ඡාවෙන්ම යොදවා ඇති බවයි.
එවැනි පිරිසකගෙන් ලද තොරතුරු මත මෙම අත්අඩංගුවට ගැනීම සිදුකර ඇති බව පකිස්තාන මාධ්ය වැඩිදුරටත් වාර්තා කර තිබේ.