රාජ්‍ය අමාත්‍ය ධූරයෙන් ඉල්ලා අස්වූ අජිත් නිවාඩ් කබ්රාල් මහතා මහ බැංකුවේ නව අධිපතිවරයා ලෙස පත්කර තිබේ.
ඔහු ශ්‍රී ලංකා මහ බැංකුවේ අධිපතිවරයා ලෙස 15 වනදා වැඩ භාර ගැනීමට නියමිත බව ජනාධිපති මාධ්‍ය අංශය නිවේදනයක් නිකුත් කරමින් ප්‍රකාශ කර සිටිනවා.
වරලත් ගණකාධිකාරීවරයෙකු වන ඔහු මීට පෙර අමාත්‍යාංශ ලේකම්වරයෙකු මෙන්ම වසර 09කට ආසන්න කාලයක් මහ බැංකුවේ අධිපති ධූරය ද හොබවා තිබෙනවා.
කෙසේ වෙතත් දේශපාලඥයෙකු මහබැංකු අධිපති ධූරයට පත් කිරීම සුදුසු නොවන බවයි විපක්ෂය විසින් පෙන්වා දෙන්නේ.
