රණසිංහ ප්රේමදාස මහතා රටේ දුගී දුප්පත්කම නැති කිරීම වෙනුවෙන් විශාල වැඩකොටසක් කළ බව සමගි ජන බලවේගයේ ජ්යෙෂ්ඨ උප සභාපති පාර්ලිමේන්තු මන්ත්රී රාජිත සේනාරත්න මහතා පවසනවා.
ඊයේ (05) අනුරාධපුර නැගෙනහිර කොටසේ සමඟි ජන බලවේගයේ ආසන බල මණ්ඩල රැස්වීමකට එක්වෙමින් ඔහු මේ බව ප්රකාශ කළේ.
මෙරට තැලෙන පෑගෙන දුගී දුප්පත් ජනතාව වෙනුවෙන් අප්රමාණ මෙහෙවරක් කිරීම හේතුවෙන් ත්රස්තවාදීන් ප්රේමදාස මහතා ඝාතනය කළ බවයි මන්ත්රීවරයා පෙන්වා දී ඇත්තේ.
මහජනතාව වෙනුවෙන් පියා ජීවිත දානය දුන් සජිත් ප්රේමදාස මහතා අද වන විට දුගී ජනතාව වෙනුවෙන් විශාල මෙහෙවරක් සිදු කරන බව සේනාරත්න මහතා එහිදී සඳහන් කර තිබෙනවා.
රැස්වීමේදී අදහස් දක්වමින් මන්ත්රීවරයා ප්රකාශ කර ඇත්තේ එවැනි නායකයෙකුට හූ කියන්නේ කෙසේ දැයි තමාට හිතා ගත නොහැකි බවයි.
වැඩිදුරටත් අදහස් දක්වමින් මන්ත්රීවරයා සඳහන් කළේ, “රැයක් දවාලක් නැතුව ජනතාව වෙනුවෙන් සජිත් ප්රේමදාස මහතා වැඩ කරනවා. එහෙම රට වෙනුවෙන් වැඩ කරන පුද්ගලයාට හූ කියන්න කියලා අනුබල දෙන කට්ටිය රට වෙනුවෙන් මොනවද කරලා තියෙන්නේ. ඉතිහාසයේ කවදාවත් නැති විදියට රට පරිහානියට ගිහින් තියෙනවා. මේ තත්ත්වයෙන් ගොඩ ගන්න වගකීම තියෙන්නේ සමඟි ජන බලවේගයට පමණයි”.