එන්නත්කරණයෙන් පසුවත් කොවිඩ් ආසාදනය විය හැකි බව ශ්රී ජයවර්ධනපුර විශ්ව විද්යාලයේ ප්රතිජීව විද්යා හා අනුක විද්යා අධ්යයන අංශය ප්රධානී, මහාචාර්ය නීලිකා මලවිගේ මහත්මිය පවසනවා.
එන්නත්කරණයේ අරමුණ වන්නේ කොවිඩ් වෛරසයේ බලපෑම සාමාන්ය සෙම්ප්රතිශ්යාවක තත්වයට ගෙන ඒම යැයි ඇස්ට්රාසෙනෙකා එන්නතේ නිර්මාතෘවරියක් පැවසූ බවයි ඊයේ (24) දින මාධ්ය අමතමින් නීලිකා මලවිගේ මහත්මිය පවසා සිටියේ.
කොවිඩ්-19 වෛරසයට අමතරව කොරෝනා වෛරස 3ක් මනුෂ්යයන්ට ආසාදනය වන නමුත් වැඩිහිටියන් තුල ඊට අවශ්ය ප්රතිශක්තිය ඇති නිසා එහි බලපෑම සාමාන්ය සෙම්ප්රතිශ්යාවක තත්වයට පැමිණ ඇති බවයි ඇය පෙන්වා දෙන්නේ.
එබැවින් කොවිඩ් මර්දන ක්රියාවලියේදී අවශ්ය ප්රතිශක්තිය නිපදවා ගෙන කොවිඩ් වෛරසයේ බලපෑම අවම කරගැනීමට එන්නත්කරණය ඉතා වැදගත් බව ඇය පවසනවා.