2020 සහ 2021 මහ කන්නය සඳහා ගොවි ජනතාවට අවශ්ය පොහොර සැපයීම සඳහා අහිතකර බැක්ටීරියා සහිතව චීනයෙන් ආනයනය කළ විෂ සහිත කාබනික පොහොර වෙනුවෙන් ගෙවූ රුපියල් කෝටි 138 සම්බන්ධයෙන් අල්ලස් හෝ දුෂණ කොමිසම ඉදිරි සති දෙක තුළදී කොළඹ මහාධිකරණයේ නඩු පැවරීමට නියමිතව තිබෙනවා.
මෙට්රික් ටොන් 96000ක පොහොර කිසිඳු පරීක්ෂාවකින් තොරව එම කාලයේ දී මෙරටට ගෙන එනු ලැබුවා.
මේ සම්බන්ධයෙන් විගණන පරීක්ෂණයකදී හෙළිව තිබුණේ අදාළ වගකිවයුත්තන්ට එරෙහිව නඩු පවරා මෙම මුදල අයකරගත යුතු බවයි.
මෙම පොහොර සඳහා ගෙවූ මුදල සම්බන්ධයෙන් අල්ලස් හෝ දුෂණ කොමිසමට පැමිණිලි ගණනාවක් ද ලැබී තිබුණා.
ඒවා ගැන කළ විමර්ශනයකින් පසු නඩු පැවරීමට අල්ලස් කොමිසම තීන්දු කර ඇති බවයි වැඩිදුරටත් වාර්තා වන්නේ.
