මන්නාරම ප්‍රදේශයේ රජයේ රක්ෂිතවලින් නීති විරෝධිව කපාගත් බුරුත , කලුවර ඇතුළු දැව ලී කඳන් රැස්කළ මන්නාරම , කොන්ඩච්චි, නානට්ටාන් කජු වතුයායේ අධිකාරිවරයකු අත්අඩංගුවට ගත් බව සිලාවතුර පොලිසිය පවසනවා.
පොලිසිය සඳහන් කළේ දැව ජාවාරමක් සම්බන්ධයෙන් මන්නාරම පොලිස් කොට්ඨාස අපරාධ විමර්ශන අංශය වෙත ලැබුණ තොරතුරක් මත කජු වතුයායේ සිදුකළ වැටලීමකදී දැව කඳන් සමඟ වතු අධිකාරිවරයා අත්අඩංගුවට ගත් බවයි.
වතු අධිකාරිවරයා සතුව ඉහල වටිනාකමින් යුත් ඉරණ ලද බුරුත, කලුවර , තේක්ක, පලු සහ වීර දැව කඳන් 1820 ප්‍රමාණයක් සොයාගත් බව පොලිසිය පවසනවා.
මන්නාරම ප්‍රදේශයේ රක්ෂිත තුලින් ඉපැරණි ගස් කපා මෙම දැව ජාවාරම සිදුකරගෙන ගොස් ඇති බවත් ගබඩාකර තිබූ දැවකඳන් වලට කිසිදු බලපත්‍රයක් හෝ නොතිබූ බවත් සඳහන්.
