කොළඹ පන්ධනාගාර පද්ධතිය තුළ CCTV ආරක්ෂීත කැමරා පද්ධති සවිකිරීම මේ වන විට ආරම්භ කර තිබෙනවා.
ඒ අනුව වැලිකඩ බන්ධනාගාරය, වැලිකඩ කාන්තා අංශය, මැගසින් සහ කොළඹ රිමාන්ඩ් බන්ධනාගාරය යන ස්ථානවල මෙම ආරක්ෂිත කැමරා පද්ධති සවිකෙරෙන බව බන්ධනාගාර මාධ්ය ප්රකාශක චන්දන ඒකනායක මහතා පවසනවා.
බන්ධනාගාර තුළට තහනම් ද්රව්ය ගෙන ඒම මෙන්ම බන්ධනාගාර තුළින් එවැනි ද්රව්ය පිටතට ගෙන යාම, බාහිරින් තහනම් ද්රව්ය බන්ධනාගාරවලට රැගෙන ඒම හා බන්ධනාගාරවල ආරක්ෂාව තහවුරු කිරීම සදහා මෙම ආරක්ෂිත කැමරා සවි කරන බව සදහන්.
පෞද්ගලික සමාගමක් විසින් මෙම ආරක්ෂීත කැමරා පද්ධතිය සවි කිරීම හා නඩත්තුව සිදු කරන බවයි චන්දන ඒකනායක මහතා සදහන් කරන්නේ.
මීට අමතරව ජංගම දුරකථන සංඥා අවහිර කරන ජෑමර් යන්ත්ර සවිකිරීමේ කටයුත්තක් මේ දිනවල මහර බන්ධනාගාරයේ සිදුකෙරෙමින් පවතින බවද ඔහු පවසනවා.