1988 අංක 30 දරණ බැංකු පනතේ 83 (ඇ) වගන්තිය උල්ලංඝණය කරමින් ක්රියාකර ඇති ආයතන 03 ක් හදුනා ගෙන ඇති බව ශ්රී ලංකා මහබැංකුව නිවේදනය කරනවා.
ඒ අනුව Fast 3Cycle International (pvt) Ltd (F3C) ආයතනය, Sport Chain App, Sports Chain ZS Society Srilanka ආයතනය, OnmaxDT ආයතනය තහනම් යෝජනා ක්රම ක්රියාත්මක කර ඇතැයි මහබැංකුව පවසනවා.
මහබැංකුව නිවේදනය කරන්නේ මහජනතාවගෙන් ලැබුණු පැමිණිලි මත මෙම ආයතන තුන හා ඊට සම්බන්ධ පාර්ශවයන් සම්බන්ධයෙන් සිදුකළ විමර්ශනයෙන් අනතුරුව මෙම තීරණය ගත් බවයි.
ඒ අනුව අදාළ ආයතන තුනට එරෙහිව අපරාධ නඩු පැවරීම සඳහා මේ වන විට නීතිපතිවරයා වෙත ඉල්ලීමක්ද යොමුකර ඇති බව අදාළ නිවේදනයේ සඳහන්.