උපයන විට ගෙවීම් බද්ද ඉතා අසාධාරණ ලෙස ඉහළ නංවා ඇති බව පවසමින් ශ්‍රී ලංකා මහ බැංකුවේ සේවකයෝ පිරිසක් තාවකාලිකව සේවයෙන් ඉවත් වී අද (25) වෘත්තීය සමිති ක්‍රියාමාර්ගයක නිරත වුණා.
ශ්‍රී ලංකා බැංකුවේ වෘත්තීය සමිති පහකට අයත් සේවකයන් මේ සඳහා එක්ව තිබෙනවා.
ඔවුන් අද (25) පෙරවරු 9 සිට පස්වරු 4 දක්වා සේවයෙන් ඉවත්ව සිට ඇති අතර මහ බැංකු ශ්‍රවණාගාරය අසල පිහිටි ශාලාවක රැස්වී මෙම වෘත්තීය ක්‍රියාමාර්ගයේ නිරත වී ඇති බවයි වාර්තා වන්නේ.
මහ බැංකු සේවකයෝ අද (25) දහවල් මහ බැංකු ඉදිරිපිට මාර්ගයට පැමිණ මාර්ගය දෙපස කළු කොඩි හා කළු පටි එසවීමට ක්‍රියා කළා.
එහිදී එම ස්ථානයට පැමිණ එම ස්ථානයට ආ පොලිස් නිලධාරීන් ඉවත් කිරීමට කටයුතු කළ අතර එම අවස්ථාවේදී සේවකයන් හා පොලීසිය අතර උණුසුම් තත්ත්වයක් ඇති වුණා.
