චීනයේ ඇතැම් ක්‍රියාකාරකම් තම රටේ ජාතික වැදගත්කම සම්බන්ධ කටයුතුවලට තර්ජනයක් බව ඕස්ට්‍රේලියානු විදේශ ඇමතිනි මාරිස් පේයින් පවසයි.
ඕස්ට්‍රේලියානු විදේශ අමාත්‍යවරිය මෙම අදහස් පළ කර ඇත්තේ ඉන්දු පැසිෆික් කලාපීය කටයුතු සම්බන්ධයෙන් පැවති සාකච්ඡාවකට එක්වෙමිනි.
මෑතකාලයේ චීනය විසින් සිදුකළ ඇතැම් ප්‍රකාශ සහ කටයුතු ඕස්ට්‍රේලියාවේ ජාතික වැදගත්කම සම්බන්ධයෙන් බරපතල ගැටලු මතුකරවන බව ඇය මෙහිදී පෙන්වා දී තිබේ.
මෙම ඇතැම් ප්‍රකාශ ඕස්ට්‍රේලියාවේ සිටින චීන රාජ්‍ය තාන්ත්‍රිකයන් විසින් සිදුකර ඇති බවත්, ඔවුන් ඒවාට ඕස්ට්‍රේලියාවේ හිදිමින්ම මාධ්‍ය හරහා ප්‍රචාරය ලබාදී ඇති බවත්, විදේශ ඇමතිනි මාරිස් පේයින් චෝදනා කර තිබේ.
චීනය සිය රට තුළ අදහස් ප්‍රකාශ කිරීමේ අයිතිය සීමා කරමින් වෙනත් රටවල සිට එම අයිතිය භාවිතා කරමින් විවිධ හානිකර ප්‍රකාශ කරන බව ද ඇය මෙහිදී සදහන් කර ඇත.
