ප්රමිති ආයතනයේ සභාපති ධුරයෙන් තමා ඉල්ලා අස්වී නැවත පෞද්ගලික අංශයේ සේවයට එක්වන බව එහි සභාපති නුෂාඩ් පෙරේරා මහතා පවසනවා.
මීට පෙර සතොස ආයතනයේ සභාපති ධුරයේ කටයුතු කළ නුෂාඩ් පෙරේරා මහතා එහි ඇතිවූ ආන්දෝලනාත්මක හේතු කිහිපයකින් අනතුරුව ප්රමිති ආයතනයේ සභාපති ධුරයට පත් කෙරුණා.
ආනයනික පිරිපහදු නොකළ පොල්තෙල්වල ඇෆ්ලටොක්සින් නැමති පිළිකාකාරක අඩංගු වී ඇති බවට හෙළිවූ අතර, මෙරට පොල්තෙල් නිෂ්පාදන සමාගමක් විසින් වෙළඳපොලට නිකුත් කර තිබූ පොල්තෙල් වර්ගයක ද පිළිකාකාරක අඩංගු වී ඇති බවට පසුගියදා රසායනාගාර පරීක්ෂණවලින් තහවුරු වී තිබුණා.
මේ සම්බන්ධයෙන් ශ්රී ලංකා ප්රමිති ආයතනය හට දිගින් දිගටම චෝදනා එල්ල වුණා.