විදුහල්පතිනියක දණ ගැස්සූ බවට ඌව හිටපු ප්‍රධාන ඇමති, වත්මන් පාර්ලිමේන්තු මන්ත්‍රී චාමර සම්පත් දසනායක මහතාට එරෙහිව බදුල්ල පොලිසිය විසින් පවරා තිබූ නඩුවෙන් අද (15) ඔහු බදුල්ල මහේස්ත්‍රාත් අධිකරණයෙන් නිදොස් කොට නිදහස් කර තිබෙනවා.
තීන්දුව ප්‍රකාශයට පත්කරමින් බදුල්ල මහේස්ත්‍රාත් චමින්ද කරුණාදාස මහතා සඳහන් කළේ සමත මණඩලයේදි ඇති වී තිබෙන සමතය අනුව චූදිත චාමර සම්පත් දසනායක මහතා නිදොස් කොට නිදහස් කරන බවයි.
බදුල්ල දෙමළ බාළිකා මහා විද්‍යාලයේ විදුහල්පතිනි භවානි රඝුනාදන් මහත්මියගේ පැමිණිල්ලක් මත මෙම නඩුව පවරා තිබූ අතර නීතිපති උපදෙස් මත මෙම නඩුව සමත මණ්ඩලයට යොමුකිරීමට මහේස්ත්‍රාත්වරයා පසුගියදා නියෝග කළා.
ඒ අනුව බදුල්ල සමත මණ්ඩලය කැඳවූ අවස්ථාවේ දෙපාර්ශවයේ එකඟතාව මත නඩුව සමතයකට පත්කරගෙන තිබෙනවා.
