අයථා මුදල් ගණුදෙනු සම්බන්ධයෙන් මේ වන විට හෙළිදරව් වී ඇති පැන්ඩෝරා පත්රිකා පිළිබදව පමණක් නොව 2016 හෙළිවූ පැනමා පත්රිකා පිළිබදවද නිසි විමර්ශනයක් කරන්නැයි පූජ්ය මුරුත්තෙට්ටුවේ ආනන්ද හිමියන් ජනාධිපති ගෝඨාභය රාජපක්ෂ මහතාගෙන් ඉල්ලා තිබෙනවා.
ජනාධිපතිවරයාට මේ පිළිබදව ලිපියක් යොමුකරමින් මුරුත්තෙට්ටුවේ ආනන්ද හිමියන් සදහන් කරන්නේ 2016 වසරේදී ගවේශනාත්මක ජනමාධ්යවේදීන්ගේ සංවිධානය විසින් නීතිවිරෝධී හා අයුතු ලෙස වත්කම් පවත්වාගෙන යනු ලබන ශ්රී ලාංකිකයන් 65 දෙනෙකුගේ නම් හෙළිදරව් කළ බවයි.
මේ හේතුවෙන් පැන්ඩෝරා පත්රිකාවල නම සඳහන් ශ්රී ලාංකිකයන් සම්බන්ධයෙන් මෙන්ම2016 පැනමා පත්රිකාවල නම් සඳහන් අයථා වත්කම් ඉපැයූ ශ්රී ලාංකික පුද්ගලයන් සම්බන්ධයෙන්ද අපක්ෂපාතී පරීක්ෂණයක් පවත්වන ලෙස මෙම ලිපිය මගින් මුරුත්තෙට්ටුවේ හිමියන් ඉල්ලා සිටිනවා.
ලිපිය මගින් උන්වහන්සේ පෙන්වා දෙන්නේ නීතියේ සාධාරණත්වය සැමට එක හා සමානව ක්රියාත්මක කිරීමට නම් එක් පුද්ගලයෙකු සම්බන්ධයෙන් නොව සියලුම පුද්ගලයින් සම්බන්ධයෙන් පරීක්ෂා කිරීම සිදුකල යුතු බවයි.
කෙසේ වෙතත් 2016 පැනමා පත්රිකාව දැනට බලයේ සිටින සහ බලයෙන් ඉවත් වී සිටින රාජ්ය නායකයන් 12 දෙනෙකු මහා බදු වංචා සිදු කළ බවට හෙළිදරව් වුණා.
එමෙන්ම ඔවුන්ගේ පවුල්වලට සම්බන්ධ ඥාතීන් සහ දේශපාලනඥයන් 60 දෙනෙකුගේ තොරතුරු ද පැනමා පත්රිකාවල සඳහන් වුණා.