රසායනික පොහොර ගෙන්වීම සඳහා රජය අවසර ලබා දී ඇති බවට පළ වන මාධ්‍ය වාර්තා සම්පූර්ණයෙන් අසත්‍යය බව රජයේ ප්‍රවෘත්ති අධ්‍යක්ෂ ජනරාල් මොහාන් සමරනායක මහතා පවසනවා.
මාධ්‍ය වෙත නිවේදනයක් නිකුත් කරමින් ඔහු පවසන්නේ එවැනි කිසිදු අවසරයක් රජය විසින් ලබා දී නොමැති අතර ඉදිරියේ දී හෝ එවන් අවසරයක් ලබා නොදෙන බවයි.
ඒ අනුව, ජනාධිපතිවරයාගේ තීරණය නව මුදල් අමාත්‍ය බැසිල් රාජපක්ෂ මහතා විසින් වෙනස් කර ඇති බවට පළවන මාධ්‍ය වාර්තා සම්පූර්ණයෙන් ප්‍රතික්ෂේප කරන බවයි රජයේ ප්‍රවෘත්ති අධ්‍යක්ෂ ජනරාල්වරයා අවධාරණය කර සිටින්නේ.
