මෙවර G 7 සමුළුවේ දී ලෝක නායකයින් චීනය කේන්ද්‍ර කරගනිමින් විවිධ මත පළ කිරීමෙන් පසු “සිය කීර්ති නාමයට අපහාස කිරීම සහ අභ්‍යන්තර කටයුතුවලට ඇඟිලි ගැසීමට” එරෙහිව චීනය එක්සත් ජනපදයට සහ G7 හි අනෙකුත් රටවලට අනතුරු ඇඟවීම් සිදු කර තිබේ.
පසුගිය ඉරිදා G7 නායකයින්, හොංකොං හි ස්වාධීනත්වය පවත්වා ගැනීමට සහ ෂින්ජියැන්ග් කලාපයේ මුස්ලිම්වරුන්ගේ මානව හිමිකම්වලට ගරු කරන ලෙස චීනයෙන් ඉල්ලා සිටියේය.
ලන්ඩනයේ චීනයේ තානාපති කාර්යාලය ඊට එරෙහිව සිය අතෘප්තිය ප්‍රකාශ කළ අතර සමුළුවේ ප්‍රකාශය හිතාමතාම චීනයට අපහාස කිරීමක් බවත් චීනයේ අභ්‍යන්තර කටයුතුවලට අත්තනෝමතික ලෙස මැදිහත්වීමක් බවත් ප්‍රකාශ කර තිබේ.
මෙය ජාත්‍යන්තර සබඳතාවල මූලික සම්මතයන් බරපතල ලෙස උල්ලංඝනය කිරීමක් වන අතර එමඟින් එක්සත් ජනපදය වැනි රටවල් කිහිපයක නපුරු චේතනා තවදුරටත් හෙළිදරව් වූ බව චීනයේ මතය වී තිබේ
