රූපලාවන්‍ය වෛද්‍ය සේවා සදහා ණය ලබාදීම පිළිබද දැන්වීම් තහනම් කිරීමට චීනය තීරණය කර තිබේ.
එරට ජාතික ගුවන්විදුලි සහ රූපවාහිනී පරිපාලන අධිකාරිය නිවේදනය කර ඇත්තේ මෙම දැන්වීම් මගින් ආකර්ෂණීය තොරතුරු ඉදිරිපත් කර තරුණ ප්‍රජාව නොමග යැවීම ඇතුළු අහිතකර ප්‍රතිඵල රැසක් සිදුවන බව නිරීක්ෂණය වී ඇති බවයි.
ඒ අනුව ගුවන් විදුලි, රූපවාහිනී සහ ඔන්ලයින් මාධ්‍ය ඔස්සේ රූපලාවන්‍ය වෛද්‍ය සේවා සදහා ණය ලබාදීමේ දැන්වීම් පළකිරීම සම්පූර්ණයෙන්ම තහනම් කර තිබේ.
විවිධ රූපලාවන්‍ය වෛද්‍ය සේවා ලබාගැනීම සදහා චීනයේ තරුණ තරුණියන් දැඩි උනන්දුවක් දක්වන අතර විවිධ මූල්‍යාතන සහ රූපලාවන්‍ය වෛද්‍ය සේවා සපයන ආයතන විසින් ඒ සදහා ආකර්ශණීය ණය යෝජනා ක්‍රම හදුන්වාදී තිබිණ.
ඒ හරහා විවිධ සමාජ සහ ආර්ථික ගැටලු ගණනාවක් මතුව තිබූ බව චීන මාධ්‍ය මීට පෙර අනාවරණය කර තිබිණ.
