චීනයේ සැබෑ ආරක්ෂක වියදම්, නිල වශයෙන් ප්රකාශයට පත් කරන ලද සංඛ්යාවට වඩා හතර ගුණයකින් වැඩි විය හැකි බව එක්සත් ජනපද ආරක්ෂක දෙපාර්තමේන්තුව උපුටා දක්වමින් ඉන්දු පැසිෆික් උපාය මාර්ගික සන්නිවේදන මධ්යස්ථානය (IPCSC) වාර්තා කරයි.
චීන මුදල් අමාත්යාංශය විසින් නිකුත් කරන ලද කෙටුම්පතකට අනුව, චීනය මේ වසරේ ආරක්ෂක වියදම් ඩොලර් බිලියන 225 දක්වා සියයට 7.2 කින් වැඩි කිරීමට අපේක්ෂා කරයි.
මෙම වියදම් වැඩිවීම පසුගිය වසරේ සියයට 7.1 ක වර්ධනය ඉක්මවන අතර, ආරක්ෂක වියදම්වල වාර්ෂික වැඩිවීම සියයට 7 ඉක්මවා ඇත්තේ අඛණ්ඩව දෙවන වසරටයි.
IPCSC හි වාර්තාවක් කියවන පරිදි, චීනයේ ආරක්ෂක වියදම එක්සත් ජනපදයේ ආරක්ෂක වියදමෙන් යන්තම් තුනෙන් එකක් වුවද, එය පසුගිය වසර 20 පුරා පස් ගුණයකින් වැඩි වී ඇත.
වසර හතරක් තුල ආරක්ෂක වියදම් සීඝ්රයෙන් වැඩි වීම සහ අනෙකුත් ආයෝජන කාණ්ඩ අභිබවා යෑම, චීනය සංවර්ධනයෙන් ඉවත්ව ආරක්ෂාව දෙසට මාරුවීම ඉස්මතු කර තිබේ.
කෙසේ වෙතත් IPCSC වාර්තා කරන්නේ චීනයේ ආරක්ෂක වියදමේ සැබෑ අගයන් කෙටුම්පතට ඇතුළත් නොවන බවයි.
ඒ තුල ආරක්ෂක වියදමට අදාල බොහෝ සංඛ්යාලේඛන ඇතුලත් නොවන බව අදාල වාර්තාවේ දැක්වේ.