චීනය විසින් විවිධ සමාජ මාධ්‍යවල ව්‍යාජ ගිණුම් 400 කට වැඩි ප්‍රමාණයක් හරහා තායිවාන ජාතිකයන් ඉලක්ක කර ගනිමින් අසත්‍ය තොරතුරු ප්‍රචාරණ ව්‍යාපාරයක් ක්‍රියාත්මක කරමින් සිටින බව තායිවාන විමර්ශන කාර්යාංශය පවසයි.
එම කාර්යංශය චෝදනා කරන්නේ , චීනය, තායිවාන ජාතිකයන් අතර ජනප්‍රිය සමාජ මාධ්‍ය, අන්තර්ජාල සහ මාර්ගගත සේවා වෙත ඇතුළු වී එරට රජය කෙරෙහි මහජනතාවගේ විශ්වාසය යටපත් කිරීමට, සමාජය අස්ථාවර කිරීමට සහ මැතිවරණවලට මැදිහත් වීමට උත්සාහ කරන බවයි.
පසුගිය වසරේ අප්‍රේල් මාසයේදී එම කාර්යංශය විසින් මීට සම්බන්ධ ව්‍යාජ ගිණුම් සහ වැරදි තොරතුරු සෙවීම ආරම්භ කර ඇති අතර එහිදී එවැනි සිද්ධීන් 2,773ක් විමර්ශනය කිරීමට හැකිවී ති‍‍බේ.
ඊට අදාළ සැකකරුවන් ලෙස පුද්ගලයින් 234 දෙනෙකු ලැයිස්තුගත කර ඉන් 174 කට එරෙහිව නීතිමය කටයුතු කිරීමට ද තායිවාන බලධාරීන් පියවර ගෙන ඇත.
තායිවානයේ වඩාත්ම ජනප්‍රිය ඔන්ලයින් දැන්වීම් පුවරු පද්ධතිය වන පීපල්ස් ටෙක්නොලොජි ටෙම්පල් හි ඇතැම් පලකිරීම් චීන ගිණුම් මගින් වෙනස් කර ඇති බවටද තායිවාන විමර්ශන කාර්යාංශය මගින් අනාවරණය කර ගෙන ඇත.
