හෙනන් පළාතේ චීන බලධාරීන් වන්දනා මාන කිරීම සඳහා ‘ස්මාර්ට් රිලිජන්’(Smart Religion) යෙදුමේ ලියාපදිංචි වන ලෙස ජනතාවට බල කරන බව ෆොක්ස් නිව්ස් වාර්තා කරයි.
හෙනාන් යනු චීනයේ වඩාත් ක්රියාශීලී ක්රිස්තියානි ප්රජාවක් වාසය කරන කලාපයකි.
චීනයේ මානව හිමිකම් වෙනුවෙන් පෙනී සිටින කණ්ඩායමක් වන ChinaAid ට අනුව, හෙනාන්හි සිටින පුද්ගලයන් ආගමික ස්ථානවලට යෑමට පෙර රජයේ පෝරමය පුරවා ඔවුන්ගේ නමස්කාර ස්ථානය තහවුරු කළ යුතුය.
“අයදුම්කරුවන් සිය ස්ථානය වෙන්කරවා ගැනීමට පෙර නම, දුරකථන අංකය, හැඳුනුම්පත අංකය, ස්ථිර පදිංචිය, රැකියාව සහ උපන් දිනය ඇතුළු පුද්ගලික තොරතුරු ලබාදිය යුතුය,” යැයි එම කණ්ඩායම අනාවරණය කර ඇත.
“පල්ලියට ඇතුළු වීමට අවසර දී ඇති අය ඔවුන්ගේ උෂ්ණත්වය පරික්ෂා කරවා ගෙන වෙන්කරවා ගැනීමේ කේතයක් පෙන්විය යුතුය,” යැයි ඔවුන් තවදුරටත් පෙන්වාදෙයි.
නමස්කාර කිරීමට අපේක්ෂා කරන සියලුම පුරවැසියන් සඳහා මෙම නියාමන පද්ධතිය අවශ්ය වේ.
පුරවැසියන්ට පල්ලියක්, බෞද්ධ විහාරස්ථානයක්, මුස්ලිම් පල්ලියක් සහ වෙනත් ස්ථානයක් තෝරා ගැනීමට අවසර හිමිවේ.
Smart Religion යෙදුම හෙනාන් පළාතේ ජනවාර්ගික හා ආගමික කටයුතු කොමිෂන් සභාව විසින් සංවර්ධනය කරන ලද බව ෆොක්ස් නිව්ස් වැඩිදුරටත් වාර්තා කරයි.