චීනයේ ෂින්ජියෑන්ග් ප්රාන්තයේ හෝටාන් ප්රදේශයේ ඩුලින්ග් නම් ඉස්ලාම් දේවස්ථානය පිහිටා තිබූ භුමිය දැවැන්ත සංචාරක හෝටලයක් ඉදිකිරීම සදහා ලබාදී ඇති බවට චීන බලධාරීන්ට චෝදනා එල්ල වී තිබේ.
අදාළ දේවස්ථානය 2018 වර්ෂයේදී චීන බලධාරීන් විසින් කඩා ඉකර ඇති බවත් පසුව එම භුමිය ප්රසිද්ධ වෙන්දේසියේ විකුණා ඇති බව සදහන් වේ.
එය සුප්රසිද්ධ හිල්ටන් හෝටල් ජාලය විසින් මිලදී ගෙන ඇති බවත් මේ වනවිට එම භුමියේ හෝටලයක් ඉදිකෙරමින් ඇති බවත් විදෙස් මාධ්ය වාර්තා කර තිබේ.
මෙි සම්බන්ධයෙන් අන්තර්ජාතික මාධ්ය හිල්ටන් හෝටල් ජාලයෙන් විමසීම් කර ඇතත් ඔවුන් ඒ සම්බන්ධයෙන් නිහඩ පිළිවෙතක් අනුගමනය කරන බව නිව්යෝර්ක් පෝස්ට් පුවත්පත වාර්තා කරයි.
ෂින්ජියෑන්ග් ප්රාන්තයේ උයිගුර් මුස්ලිම් සුලුතරයේ ආගමික නිදහසට බාධා කරමින් චීනය විසින් සංවිධානාත්මක මර්දනයක් සිදුකරන බවට අන්තර්ජාතික ප්රජාවෙන් චෝදනා රැසක් එල්ල වී තිබේ.